Љубителите на Spiderman можеби ќе се потсетат на Доктор Октопус додека го гледаат видеото на помошна роботска рака, но несомнено помошен екстремитет ќе ни биде од корист на сите.
Раката е изработена од истражувачи во Универзитетот Шербрук во Канада.
Роботската рака во овој случај е прикачена на појасот, но „оделото“ е за целото торзо со што се обезбедува поголема стабилност. Алатката е доволно чувствителна да може да собира овошје, но и доволно моќна да направи дупка во ѕидот.
Роботската рака заедно со целиот егзослечет тежи околу 4 килограми, и може да подигне товар до 5 килограми. Може да се движи по три оски и има максимална брзина од 3,4 метри во секунда.
За жал барем засега управувањето со помошната рака се прави со дополнителен минијатурен контролер. Ова не овозможува користење на 3 раце, но во иднина би можело да видиме и некој пософистициран модел на управување.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
