Беше само прашање на време кога ќе се појави сервис како Roam, стартап кој ви нуди место за престој во целиот свет. Ова е идејата, иако засега тешко остварлива, барем според бројот на локации на кои стартапот би морал да има сместување. Сепак кога се во прашање дигиталните номади, Roam ќе им овозможи да имаат дом во најголем дел од атрактивните локации како: Бали, Мајами, Мадрид, Буенос Аирес или Лондон.
Она што најверојатно ќе биде овозможено е попријатна средина за сите корисници, бидејќи дигиталните номади ќе бидат опкружени со луѓе слични на нив, а со секоја посета нема да мора да се привикнуваат на местото. Сервисот е идеален за луѓе чија работа не е поврзана со локација, и можат да си дозволат почесто да патуваат, но сепак постојаната потреба од Airbnb аранжмани им е здодеана. Засега има само две локации, а наскоро ќе бидат достапни уште три, па сите кои можат да си дозволат летови ќе може да го користат Roam.
Отворањето на простор во неколку локации ќе овозможи за почеток сервисот да има неколку бази од каде корисниците ќе можат да „оперираат“, но на крајот секој поголем град би требало да има сместување, јави Fast Company.
