Пристигна BlackBerry 10. Овој редизајниран оперативен систем е последната шанса на канадскиот Research in Motion да се врати меѓу конкурентите на пазарот на паметни телефони кој еднаш го владееја, а сега имаат удел од само 6 отсто. Заедно со оперативниот систем пристигнаа и два нови телефони BlackBerry Z10 и BlackBerry Q10.
„Направивме платформа која може да се поврзе со вашите машини, со вашиот дом, вашиот автомобил, здравствениот систем, од било каде. Ова е ветувањето на BlackBerry 10 оперативниот систем.“, најави директорот на RIM, Торстен Хејнс.
Новиот оперативен систем BlackBerry 10 е ридизајниран да може да се користи со нови движења на прстите, и да биде колку друштвена, толку и продуктивна мобилна платформа. RIM ги таргетира бизнис луѓето за кои паметните телефони се алатка за комуникација, но во исто време сака да биде конкурентен со забавните функционалности кои ги нудат друштвените мрежи. Новиот ОС доаѓа со BlackBerry Hub кој е централното место за сите нотификации, имејлови и друштвени профили.
[youtube]C_E_qFGcXY0[/youtube]
Првите BlackBerry телефони веќе се достапни во Британија, Канада и Соединетите Арапски Емирати ќе го добијат телефонот во февруари, а во САД ќе биде достапен во март. По тоа би требало да биде достапен глобално.
[youtube]BDtxZr5TS7E[/youtube]
[youtube]hYKFpEOSyUQ[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
