Релаксирањето доаѓа во многу форми и е честа потреба при крај од долг ден или пред почетокот на еден. Во такви ситуации, би можеле да се расположите со некоја од многубројните прилагодливи станици на Jango, но доколку чувствувате потреба за релаксирање покрај амбиентални звуци, ви препорачуваме да ја посетите A Soft Murmur.
A Soft Murmur е едноставен сајт со уште поедноставна цел: да ги стиши надворешните звуци и да ве расположи со пријатни звуци на дожд, гром, бранови, ветрови, огин, птици или штурци. На располагање имате и Coffee shop звуци, а за подобар фокус и подлабока медитација можете да се потпрете на Singing bowl звуците. За крај, го имате и препознатливиот бел шум.
A Soft Murmur ќе ви дозволи да ги комбинирате амбиенталните звуци еден со друг, а и индивидуално да ја прилагодувате нивната гласност. Опцијата Meander по случаен избор ја намалува гласноста на звуците, а преку опцијата timers можете да наместите за колку време да почне или престане некој од ефектите.
На оние кои би сакале да уживаат во ваквата звучна стимулација и преку нивниот телeфон им препорачуваме да ја преземат и апликација за Android. Верзијата за iPhone уште е во изработка.
