Research In Motion, компанијата која стои зад BlackBerry, на својата BlackBerry DevCon конференција во Сан Франциско најави нов оперативен систем кој ќе им овозможи на програмерите полесно да креираат апликации за нивниот PlayBook таблет компјутер, како и за паметните телефони.
Според главниот човек на Reasearch In Motion, Мајк Лазаридис, иднината на BlackBerry е во новиот софтвер наречен BBX, кој е всушност комбинација од досегашниот оперативен систем на кој работат BlackBerry телефоните и новиот QNX оперативен систем наменет за PlayBook таблет компјутерите. Мајк Лазиридис не откри кога ќе биде достапен новата BBX платформа, меѓутоа кажа дека сè што ќе биде направено за BBX, ќе може да работи на било кој RIM уред. Тој исто така изјави дека целта на BBX платформата ќе биде да зближува заедно луѓе, уреди, содржина и услуги.
Reasearch In Motion исто така открија и нови девелоперски алатки наречени BlackBerry Jam. Новите алатка ќе имаат за цел да им ја олеснат работата на девелоперите при креирање апликации за таблет компјутерите и паметните телефони на RIM. Канадската компанија моментално е зад Apple и Google кога станува збор за бројот на достапни апликации, и компанијата мора да привлече девелопери доколку сака да остане конкурентна.
Алек Саундерс, подпретседател за односи со програмерите, на конференцијата изјави дека и покрај лошата слика која RIM ја имa во поглед на нивната продавница за апликации, App World, изјави дека таа е втора по профит продавница за апликации, зад Apple, но пред Google и нивниот Android маркет. Според него девелоперите на BlackBerry имаат заработено најмалку 100.000 долари од BlackBerry апликации.
Кога сме кај апликациите, Мајк Лазиридис, исто така се пофали дека од нивната продавница за апликации дневно има пет милиони преземање, и до сега има една милијарда преземања. Се очекува до крајот на годината таа бројка да изнесува две милијарди.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
