По цена од 60 долари, On1 Effects се истакнуваше како исклучително моќна алатка која знае како да ги среди вашите фотографии. Алатката се одликуваше со стотици филтри, граници, пресети и текстури кои можевте да ги прилепите на вашите фотографии за да им го дадете саканиот финиш. И понатаму го можете истото, но за таквото нешто не морате да платите денар.
On1 Effects Free е истата, добра, и подеднакво моќна алатка која од неодамна стана бесплатна за користење. За да ја преземете, потребно е да внесете одредени детали за вас, како и вашата и-мејл адреса, но самата процедурата не бара премногу време. On1 Effects Free функционира како независна алатка. Доколку сакате, меѓутоа, ефектите можат да бидат интегрирани со Adobe Photoshop, Adobe Elements, Adobe Lightroom или Apple Photos. Програмот ги поддржува сите широко користени формати на Windows 7, 8, 10 и MAC, а за оптимизирана работа бара најмалку Intel Core 2 Duo, Xeon, 4GB (или 8GB кога се користи преку Photoshop), како и 1.5GB простор.
За клучните новитети во ON1 Effects 10.5 дефинитивно разгледајте ги следниве видео материјали и информирајте се со корисни совети за имплементирање импресивни филтри и пресети.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
