WinAmp беше еден од најпопуларните плеери во деведесетите години. И ден денес, многу корисници носталгично се присетуваат на плеерот и се залагаат за негова инкарнација или во форма на WinАmp, или како WACUP. Токму поради преголемата популарност, за плеерот се одликуваше со илјадници и илјадници скинови.
Winamp Skins Museum е веб сајт кој ви дозволува да разгледате над 65 000 скинови. По вчитување на сајтот едноставно одберете го саканиот скин, проверете ги копчињата, па дури и пуштете и одслушајте песни така што ќе ги лоцирате на вашиот хард диск. Со секој скин имате веќе вметнати песни кои се спремни за инстантна репродукција. Доколку знаете како се вика скинот можете да го пребарате по име, а доколку кликнете на копчето Random ќе биде извлечен скин по случаен избор.
Секој од скиновите можете да ги преземете и имплементирате за понатамошна употреба, а во случај да имате некој редок скин, можете истиот и да го поставите на сајтот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
