Oрганизација која цели кон зголемување на бројот на жени основачи на ИТ стартапи,Woman 2.0, неодамна објави инфографик во кој се прикажува дека е зголемен бројот на жени основачи во последните три години. Овие податоци се добиени од анкета спроведена кај публиката на Woman 2.0.
Истата анкета е спроведена и во 2008 година, кога 75 отсто од публиката на Woman 2.0 изјавија дека сакаат да започнат стартап. Таа бројка сега е намалена на 50 отсто, но ако пред три години 25 отсто од публиката имаше основано стартап, тогаш таа бројка сега е качена на 50 отсто. Оттука значи дека дел од тие што сакале да основаат технолошки стартап, всушност тоа и го сториле, и со тоа бројката на жени основачи во последните три години се дуплирала.
Во инфографикот исто така стои и дека во 2008 години скори сите анкетирани биле лоцирани во Сан Франциско, и неговата околина, додека според новата анкета доаѓа до географска разноликост, па така од 99 отсто, сега само 46 отсто од интервјуираните се наоѓаат во Сан Франциско, додека 7 отсто се во Њу Јорк, а дури 47 отсто се наоѓаат на различни места.
Уште една интересна промена во периодот од едната до другата анкета е процентот на жени кои се заинтересирани за едукација. Во 2008-ма дури 85 отсто од анкетираните сакале да одат само на настани, сега 25 отсто се заинтересирани за настани, додека останатите сакаат да учат за претприемништво и за пристап до финансирање.
(via TechCrunch)
