Google продолжува со интеграцијата на Google+ во останатите Google сервиси, поточно станува збор за интеграција на YouTube во Google+, како и официјални Google+ екстензии кои ќе ја подобрат интеграцијата со Chrome. Новата YouTube опција овозможува да се гледаат и споделуваат YouTube видеа со Google+ контактите, додека екстензиите за Chrome овозможуваат споделување на веб страници и следење на Google+ нотификации.
Google+ сега е збогатен со YouTube икона, која ако се помине со глувчето ќе овозможи да се побара одредено YouTube видео. Потоа ќе се појави попап листа на видеа поврзани со тоа што е барано. Оваа опција овозможува и едноставно споделување на видеата, како и можност Google+ пријателите да отворат слична плејлиста директно од споделеното видео. YouTube плејлисти исто така ќе се наоѓаат и во резултатите добиени од Google+ пребарување.
Chorme e исто така збогатен со екстензиите +1, која овозможува на секој веб сајт да се кликне +1 и да се сподели со круговите, и Notifications, која овозможува да се проверуваат Google+ нотификациите додека се сурфа. За оние кои не користат Chrome, може да го преземат Google Toolbar for Internet Explorer, за кој има нова верзија во која се вклучени горенаведените екстензии.
