Првите 5G телефони ќе бидат во продажба во 2019 година, вели директорот на Qualcomm, Стивен Моленкоф.
Ова е забрзување на временската рамка. До пред една година се сметаше дека 5G телефоните нема да бидат достапни пред 2020 година, пренесе ZDNet.
За жал, иако можеби ќе има телефони кои ќе бидат подготвени за 5G, најголем дел од провајдерите нема да бидат подготвени до 2019 година. Директорот на Qualcomm сепак откри дека дел од операторите во Кореја, Јапонија и САД, работат на своите 5G мрежи. Qualcomm соработува со Verizon и Ericsson, на развојот на дел од овие мрежи.
Паметните телефони се интересни, но сепак не се најинтересниот дел од 5G. Паметните возила и автомобилската индустрија се најверојатно најинтересниот сектор. Побрзиот интернет ќе овозможи развој на автономни возила.
Директорот на Qualcomm смета дека токму автомобилската, ќе биде најиновативна индустрија во идната декада. Сепак, настапот на г. Моленкоф дојде на саемот за автомобили, па можеби треба да го имаме ова предвид кога го анализираме.
