Во моментот, серијата туторијали поврзани со Python за финансии содржи 9 видеа во времетраење од нешто помалку од 3 часа. Ова е трето видео од оваа серија со фокус на анализа на податоците од претходните две видеа кои се однесуваа на преземање на податоци и на крипто-валути и акции.
Серијата започнува со краток вовед и инструкции како да се добијат историските цени на криптовалути, како и на акциите на компаниите кои тргуваат на големите берзи. Овие пристап за добивање на информации се користи во наредните видеа од серијата.
Вториот дел е наменет за визуелизација со кој почетници би можеле да прикажат одредени податоци.Наредните 3 видеа покриваат т.н. технички индикатори (MACD, RSI, Bollinger bands) кои се користат при тргување со финансиски инструменти.
Видеото број 6 покрива креирање на графикон на кој се прикажани дневните почетни, крајни, најниски и највисоки цени на одреден финансиски инструмент.
Серијата продолжува со туторијал посветен на настани кои имаат големо влијание на финансиските пазари, како финансиската криза и КОВИД-19.
Последните 2 видеа покриваат корелација и портфолио оптимизација. Секако, да се има знаење во областа на финансии помага, но не е задолжително за следење на серијата.
Напомена – текстот го напиша Костадин Ристовски, тој е автор и на туторијалите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
