Гласовниот асистент на Microsoft по се изгледа е во фокусот на најголемиот дел од медиумите. Кратко време откако се појавија првите фотографии на Cortana, се појави и првото видео кое oткрива нови детали.
За жал видеото доаѓа без звук па тешко дека ќе се увериме во гласовните способности на Cortana, но двоминутното видео прикажува што ќе треба корисниците на Windows Phone да направат за да го нагодат гласовниот асистент. Покрај неколкуте пермисии кои Cortana ги бара од сопственикот, при првото вклучување треба да го одберете „прекарот“ кој асистенот ќе го употребува. Освен ова потребно е да се одговорат и некои прашања поврзани со своето хоби или секојдневни активности. Па така дел од прашањата се поврзани со храната, главната мотивација за активност или одење на некои настан или омилена активност на корисникот во вечерните часови.Cortana сè уште не е готов производ, па до официјалното претставување без сомневање ќе биде подложна на промени. Сепак се чини дека Windows Phone 8.1 ќе биде навистина огромна надградба на оперативниот систем.
[youtube]wkgJwGzsn3Y[/youtube]
