Првата српска MOBA игра, Awakening of Heroes, креирана од Cofa Games, наскоро ќе го има својот најголем регионален турнир. Турнирот ќе се одржи од 12 до 16 ноември како дел на Reboot InfoGamer саемот за информациски технологии кој се одржува во Загреб. Покрај тимови, отворени се и пријавите како поединец доколку заинтересираните не можат да пронајдат тим со кој заедно би се натпреварувале. Сите може да се пријават на турнирот и за онлајн играње, а се што е потребно е Facebook профил и со оглед на тоа дека играта сè уште е во алфа фаза потребен и алфа клуч за кој може да се пријавите. Првата награда е 500 евра.
Awakening of Heroes е MOBA, жанр кој го прославија Dota и League of Legends, чие финале неодамна наполни цел стадион и беше гледано од рекордни 32 милиони гледачи. Но, за разлика од овие две игри кои се супер компетитивни и за хардкорд гејмерите, Awakening of Heroes е поедноставна и е наменета за поширока публика.
[youtube]ZZ3aqMuGCuM[/youtube]
