Прв поглед на Doogee Turbo DG2014, моќен и евтин Android телефон

во Мобилни, Рецензии, Хардвер

(Гостинската рецензија е првично објавена на форумот на It.com.mk од Olikomerc. За дискусија, други детали, повеќе слики и прашања, повелете на форумот.)
_____________________________________________________________________________________________

Овојпат за рецензија имаме модел од еден нов бренд Dооgее. Се работи за нова компанија на кинескиот пазар, која е меѓу главните играчи кога станува збор за производство и продажба на паметни телефони. Во оваа рецензија ќе се запознаеме одблизу со Doogee Turbo DG2014, прекрасен и ептен тенок 5 инчен теелефон со 2 SIM картички, кој e одличнo изработен, и со солидни перформанси за кои ќе видиме подетално понатаму во рецензијата.

(Фотографијата, и сите следни фотографии, се дело на Оливер Јосимовски)

Технички Спецификации:

  • Оперативен систем: Android OS 4.4.2 (Kit-Kat)
  • Chipset: Mediatek MT6582
  • CPU: Quad-core 1.3 GHz Cortex-A7
  • GPU: Mali-400
  • Дисплеј: 5.0″ HD 1280×720 pixels, IPS capacitive, OGS Full Lamination
  • Меморија: ROM 8GB / RAM 1GB
  • SIM картички: Dual SIM Card (1 x Mini-SIM и 1 х Micro-SIM)
  • Камера: 13MP со LED FlashLight
  • Предна камера: 5MP
  • Батерија: Li-ion 1750mAh
  • Димензии: 143 x 72 x 6.3mm
  • Wi-Fi: 802.11 b/g/n
  • Bluetooth: Bluetooth 4.0
  • GPS: GPS, AGPS
  • Видео формати: MP4/ 3GPP/ H.264
  • Цена: ~8.500 денари

Дизајн

Doogee Turbo DG2014 доаѓа во добро спакувана бела елегантна амбалажа, а внатре покрај телефонот се наоѓаат и додатоците што одат со него, сите во бела боја: полнач, USB кабел, слушалки, две заштитни фолии за екранот, плус една веќе нанесена и упатство за употреба на македонски јазик.

На изглед телефонот од надвор делува многу елегантно. Има коцкаст изглед, од напред целиот екран е покриен со стакло (OGS Full Lamination) и кога е изгаснат екранот делува многу симпатично, комплет е црн од напред поради стаклениот изглед. Од страните е метален, поточно поголемиот дел од телефонот е направено од легура од алуминиум и магнезиум што го прави поцврст и стабилен. Поради OGS технологијата, е и многу тенок со само 6,3 милиметри така да може да се вброи меѓу најтенките телефони на пазарот.

На горниот дел се наоѓа USB приклучокот за полнење на телефонот и поврзување со компјутер и 3,5 мм аудио излез за слушалки. На предната горна страна се наоѓа предната камера и Proximity сензорот. Од левата страна е копчето за вклучување, а од десната страна се копчињата за регулирање на јачината на звукот.

Капакот од задната страна е нешто како половина гумен, половина пластичен, со ситни дупчиња по него, нежен на допир и не се лизга од раце. На задната страна долу се наоѓа звучникот и логото на производителот, а горе е камерата која е малку испакната и се приметува дека малку штрчи. Под капакот е батеријата, а има место за две SIM картички, од кои едната е Mini-SIM, a втората е Micro-SIM. Има и слот за мемориска картичка.

Хардвер и софтвер

Од хардверска гледна точка, Doogee Turbo DG2014 е солидно опремен со 4-јадрен Mediatek процесор MT6582, има 1GB RAM меморија и 8GB внатрешна меморија. Екранот е 5 инчи IPS со HD резолуција 1280×720 и OGS Full Lamination, со ултра-осетлив Retina дисплеј. Боите се одлични и прецизни и нема никакво изобличување на боите како и да се сврти телефонот под кој било агол. Има и автоматска регулација на осветлувањето на екранот што е се почесто изоставено кај поновите модели на телефони од големите производители. Екранот на допир си функционира лесно и прецизно.Батеријата е со 1750 mAh и со нормално користење со две SIM картички, вклучено WiFi во поголемиот дел од денот, телефонот издржа околу ден и половина првиот пат, после следното полнење не го малтретирав многу и надмина два дена и некој саат, а со почесто користење издржа до кај еден ден. За телефонирањето нема никакви проблеми, одлично се слуша, исто и од другата страна.

Телефонот доаѓа со Android 4.4.2 Kit Kat оперативен систем. При работење, инсталирање разни апликации, тестирање, бенчмаркови итн, не наидов на некои потешкотии, сосема нормално си работи и софтверот не покажа некаков баг или слично.

Камера

Телефонот е опремен со две камери од кои задната камера е со резолуција од 13MP и има LED флеш, додека предната е 5 MP. Камерата е составена од 5 различни специјални леќи за поживи и поостри слики. Во прилог следуваат неколку слики направени со нив од кои може да се види со каков квалитет се истите.

Tестирање 

Во прилог еве и неколку тестови од најчестите програми за тестирање, колку да се види и спореди со други модели.

Заклучок

Доколку барате телефон за околу 8.000 денари, тогаш вреди да му се даде шанса и на Doogee Turbo DG2014. Пред се има елегантен изглед, квалитетна изработка, прекрасен 5 инчен IPS екран, доволно RAM и ROM меморија, како и две солидни камери напред и позади. Како плус би го навел поседувањето на две SIM картички, така да нема да има потреба од додатни сим адаптерчиња. Телефонирањето е без проблеми, proximity сензорот е ептен брз, а и самото работење со телефонот, движење низ менито, отварање апликации, се си работи брзо без укочувања и лагирања. Како минус може би била батеријата која би требало да биде барем над 2000-2500 mAh за ваков вид на телефон, иако со нормално работење комотно ќе држи ден ипол до два.

За крај голема благодарност до Anhoch за отстапениот модел на тестирање.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
2 Коментари
Најнови
Најстари Со највеќе гласови
Inline Feedbacks
View all comments
filip
filip
9 years ago

Од кај измеривте 6,3мм? Кога е повеќе од 8мм

оликомерц
оликомерц
9 years ago
Reply to  filip

Не сме мереле, само се преземени спецификациите од нивниот сајт :)

види ги сите огласи на kariera.it.mk