(Доколку сакате да дискутирaте за рецензијата, да прашате или споделите искуство, слободно приклучите се на форумот на IT.com.mk)
Како што ветивме, на тест го земавме паметниот телефон QUART QT550. Станува збор за Dual SIM, 5-инчен мобилен телефон, брендиран со името QUART. Како што знаеме QUART е заштитното име на производите кои ги продава AMC на мaкедонскиот пазар. Зошто го тестиравме овој модел? Првично затоа што е атрактивен со 5 инчниот дисплеј, актуелен за повеќето мобилни телефони од повисока класа, затоа што работи со 2 сим картички, затоа што користи Аndroid оперативен систем и затоа што има примамлива цена. Па еве да видиме дали навистина овој производ може да ја оправда цената по која се продава од 9.990 денари.
Пакување
Телефонот е спакуван во фино изработена и квалитетна кутија. Во кутијата се наоѓа телефончот, кабел, полнач, гарантен лист и кратко упатство за користење. За цената за која се продава и не се очекува нешто повеќе. За жал нема дополнителна мемориска картичка или слушалки.
Техничките карактеристики
- Екран: 5 инчен Capacitive LED LCD co максимална резолуција од 800х480
- Мрежа: 3G Dual SIM, Dual Stand By
- Процесор: Dual Core ARMv7 процесор (VFPv3, NEON) 1GHz
- Графика: Power VR SGX 531
- RAM: 512 Mb
- Меморија: 4Gb вградена + картичка за микро SD (32 Gb)
- Останато: BT, GPS, Wi-Fi b,g,n, micro USB, акселометар, FM Radio – RDS, 3,5 мм џек за слушалки
- Камера: Задна 8 MPix +LED Flash, предна 2 MPix
- Батерија: Li ION 3200 mAh/3,7V
- Оперативен систем: Android – Ice Cream Sandwich 4.0.
Дизајн
Првичната импресија по одпакувањето на телефонот и не е така лоша. Воедно ставени се две сим картички, една на One, една на Т-Мobile, тест SD картичка на која подоцна ке биде инсталиран и GPS програм и уште неколку други апликации. Ставена e батерија, претходно наполнета се разбира.
Телефонот е релативно голем, тежок и делува робусно во рака. Навикнат на телефон со помал дисплеј, делува малку чудно и гломазно. На почетокот за користење ми се потребни две раце. Мала споредба на 5” со 4,3” дисплеј, и споредба на Samsung Galaxy Ѕ4 со QUART, чисто да се види големината на телефонот.
Рамките на телефонот се изработени од метал, темно графитна боја. Задното капаче е изработено од рапава пластика, на која е изгравирано логото QUART. Како и секој ефтин телефон, после неколку отварања и затварања може да се примети дека капачето добива одредена минимална луфта, па доколку не ви е добро наместено може да крцка. Тоа едноставно се решава со повторно повнимателно презатварање. На задната страна се наоѓа камерата и блицот, а во долниот дел се наоѓа и отворот за звучникот.
Под капачето се наоѓаат слотовите за SIM картичките и слотот за SD картичка. Под нив, во просторот под батеријата се наоѓаат податоците за телефонот, односно сериски и IMEI броевите, доказ дека не станува збор за било каков кинески телефон без никакво потекло. И нормално батеријата која што е декларирана со 3,7V и 3200mAh.
Користење
Првото вклучување стартува иницијализацијата и пријавувањете на двете SIM картички. По неколку едноставни поставувања за Android ОС, и телефонот е подготвен за користење.
Во средина се наоѓа Home копчето, лево и десно функциски копчиња на допир. На левата страна се наоѓа копчето за вклучување/исклучување. На десната страна се копчињата за појачување и намалување на гласот. На горната страна се наоѓа 3,5мм џек за слушалки, а на долниот дел се наоѓа micro USB приклучокот за полнење и поврзување со компјутер.
Телефонот има инсталиран оперативен систем Аndroid 4.0.4 кој одлично функционира. Првичната позитивна импресија беше одзивот и работата на допирот. Екранот на допир можам да кажам дека е перфекен и прецизно реагира дури и на најнежен допир. Големината на самиот екран и резолуцијата од 800х480 ги прави сите икони прегледни и видливи, а текстот јасно читлив. Единствена забелешка за екранот е тоа што за 5 инчи сметам дека резолуцијата би требала да биде малку повисока, бидејќи ако се загледате внимателно може да ги видите пикселите. Како и кај секој високосјаен дисплеј, може да се наиде на потешкотии при користење на јака светлина, односно директна изложеност на сонце.
Основниот пакет на оперативниот систем многу лесно можете да го збогатите со инсталација на нови апликации преку Google Play Store. Сите апликации и игри кои беа инсталирани работеа беспрекорно и не направија во ниеден момент проблем. Движењето низ менито на телефонот оди мазно, не сецка, не заглавува. Пребарувачот во зависност од интернет врската, одлично ги отвара страните. YouTube видеата се гледаат одлично на големиот 5 инчен екран. Тоа можеме да го видиме на следното видео.
[youtube]wMxoW9VAuMM[/youtube]
Телефонирањето оди исто така многу едноставно. Зошто го спомнуваме ова? Затоа што се користат две сим картички во исто време. При изборот на телефонски број секојпат ке бидеме прашани преку која картичка сакаме да го воспоставиме повикот. Истото се случува доколку сакаме да испратиме SMS, MMS или пак сакаме да користиме 3G интернет. Подесувањата за користењето на 3G интернет треба да си го направите самите, односно да се подесат параметрите кои лесно ке ги најдете на страната на операторот. Во однос на комуникацијата, не се забележани аномалии од типот на лош пренос на глас, односно соговорникот да не ве слуша. Кога вие го слушате соговорникот при телефонските разговори, неговиот глас делува малку „метално”, но тоа не се одразува негативно на разбирливоста и јачината на звукот.
Wi-Fi-то морам малку да го искритикувам. Приемот на сигналот беше послаб во однос на други телефони на иста оддалеченост од рутерот. Инаку дури и со само една рецка на прием на сигналот, трансферот се одвива беспрекорно и брзо. Меѓу другите функции телефонот беше пробан да работи и како access point, и притоа да шерува интернет преку 3G мрежа. Во поглед на преносот на податоци, 3G, исто така немаше проблеми. Приемот и брзината зависи од самата мрежа на операторот.
Јачината на звукот при слушање на музика е просечна, како во квалитет, така и во поглед на јачина. Телефонот е опремен со еден звучник од задната страна.
Камера
На ред доаѓа и камерата. Кога генерално би направиле еден осврт на сите работи, може да се заклучи дека најголема негативност ќе и биде припишана токму на неа. Имено, и покрај тоа што станува збор за 8 мегапикселна камера, сликите не се со висок квалитет. Во услови на добра светлина, односно дење, сликите се прифатливи. Во макро мод, сликите се добри. Но во услови на лоша светлина, и покрај вградениот блиц, сликите се лоши, исполнети со многу шум, матни и нејасни. Со помош на разноразни апликации, квалитетот може да се подобри, но делумно. Доколку сте љубител на висококвалитетни фотографии со мобилен телефон, овој уред нема да ви го овозможи тоа. За секојдневна употреба ке биде доволен. Квалитетот можете да го видите од приложените фотографии.
Еве пример на фотографии сликани во макро мод:
Фотографии сликани во ноќни услови:
Видеото во услови на дневна светлина во највисока резолуција може да го погледнете тука:
[youtube]iGr9rdrirXE[/youtube]
Со помош на програм кој доаѓа со фабричкиот оперативен систем, можеме да ја провериме јачината на GPS сигналот:
Хардверот кој се користи во самиот телефон е актуелен и се вградува во различни марки на паметни телефони и таблети. Оваа рецензија нема да ја оптоваруваме со бенчмаркови и стрест тестови, сепак станува збор за просечен телефон. Мислам дека доволно ке бидат да се прикажат резултати од најпопуларниот бенчмарк тест AnTuTu и резултатот кој го добивме:
Батерија
Батеријата која е задолжена да го опслужува телефонoт е со 3200mAh, што со еден збор би значело дека во целост би требало да го покрива користењето за 24 часа без никаков проблем. Што всушност се случува? Полнењето трае од 3 до 4 часа, кога телефонот е во мирување, односно доколку не се користи. Празнењето најчесто зависи од начинот на користење. Јас телефонот го користев во различни режими. Така да ќе се потрудам да го пренесам држењето на батеријата во вистинско светло.
Кога телефонот се користи исклучиво за телефонски разговори и SMS пораки, без вклучен Wi-Fi или пак мобилен интернет, батеријата може да трае два дена. Просек на траење на разговорите во тие два дена е одприлика 1 час и 30 минути. Доколку телефонот се користи со постојано вклучено Wi-Fi или пак мобилен интернет, траењето на батеријата се намалува двојно, односно 24 часа. Во услови на максимално искористување, односно разговори, интернет комбинирано Wi-Fi, мобилен интернет, камера, апликации, пред да си легнете би било добро да го ставите на полнач. Преостанатите 20~30% нема да бидат доволни да го користите телефонот и следниот ден.
Не заборавајте дека телефонот е опремен со голем 5 инчен екран, процесор со две јадра, а притоа како најголем потрошувач може да се спомене 3G модемот и Wi-Fi картичката, сепак е со задоволително време на траење. Доколку го уклучите GPS-от, а немате полнач со вас, бидете сигурни дека за неколку часови ке останете без телефон. Со постојано користење, верувам дека батеријата ке издржи максимум до 5 часа.
Заклучок
Земено во глобала, сите оние корисници кои не можат да си дозволат скап паметен телефон, но сакаат да користат телефон кој ќе има можност за 2 SIM картички, голем екран прецизен и осетлив на допир, телефон преку кој ке се сурфа и нема да ги чини многу пари, дефинитивно QUART QT550 би бил вистинскиот избор. Доколку имате било какви прашања, забелешки или потреба од повеќе информации за овој производ, слободно може да се обратите тука на форумот, или пак да појдете во било кој од салоните на АМЦ и директно да се уверите во веродостојноста на податоците.
Позитивно:
- Голем прегледен екран, прецизен и осетлив на допир.
- Брз GPS приемник.
- Можност за користење на 2 SIM картички.
- Солидно траење на батерија.
- Изработка во однос на цената.
- Одлична цена.
Негативно:
- Лоша камера.
- Послаб Wi-Fi прием од очекуваното.
- Метален звук при слушање на соговорникот.
- Гломазен и тежок.
Голема благодарност до AMC компјутери што ни го одстапија уредот на тест.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
ABE DAJ KAZETE AKO ZNAE NEKOJ OVOJ QUART QT 550 POD KOE IME E BRENDIRAN MI TREBA DA GO FLESUVAM ROMOT I KAKO DA NAJDAM BILO STO ZA TELEFONOV
Kako se brishat broevi od imenik? Pls help
Very good website you have here but I was wondering if you knew
of any forums that cover the same topics talked about in this article?
I’d really love to be a part of online community where I can get responses from
other knowledgeable people that share the same interest.
If you have any suggestions, please let me know. Thanks!
Sakam da go zemam QUART qt600 dali ke bidam vo korist ili ke se zaebam?!?!
I ako moze daj napravete test i objavete na youtube!! Veke 2 nedeli prebaruvam na youtube i na google nema nisto za QT600 sto e rabotata?? Inace vaka gi citam performansite i cenata 9.990 denara e mnogu primamliva, TOCNA LI E?! :D :D
Se dvoumam dali da go zemam Quart QT600.. gledam dobri performansi ali ne sum siguren vo kvalitetot :( , cekam vas sovet . Fala
Go kupiv Quart qt600.. go imam veke 2 nedeli telefonot e MASINA nema mana… znaci instaliranje najaki igri mi gi pusta bez nikakvi kocenja.. KOMPJUTER!! baterija drzi 2 dena so igranje igri gledanje klipcinja na youtube, FB, wi-fi…. Samo glupo e sto nemozam da si namestam da mi pokazuva vreme za Skopje… ne go dava neznam zosto :/ Ako znae nekoj neka mi objasni.. Fala odnapred :))
abe kolku pari tolku muzika za 10,000 denari sto sakate poveke ???
od Anhoch imate so ista cena isti performansi odnosno ist hardware
pogolem ekran 5.5 inchi i futrola na preklop i barem dizajnot mu e kako na samsung galaxy note 2
pa sea sami zaklucete si …
Znae li nekoj kakva e kamerata ,dali e dobra ili e premnogu losa i za 5mp ., aplikaciitee na android kakako ?
I MNOGU VAZNOTO ZAMENE ZNAE LI NEKOJ KAKVA MASKA MOZE DA SE KORISTE ZA OVOJ TELEFON I KADE MOZE DA SE NAJDE FAALAaa
Го имам телефонот веќе 2 недели и забележувам 2 недостатока: првиот е што ги направив сите поднесувања за mms,и никако не моажам да пратам, а вториот е што кога зборувам на едната картичка и истовремено некој ме бара на другиот број,покажува дека ми е исклуче.Дали е тоа случај со сите телефони со 2 сим картичка???Инаку со се друго сум презадоволна.
http://en.wikipedia.org/wiki/Dual_SIM
Pseudo-Dual – for convenience to use second SIM (as rule, it has "no major" slot for this) without both SIMs connected with owner's mobile service providers (MSP).
Dual SIM Shift – basic phones, which have 2 SIM Card Slots, only one SIM is active (able to receive calls), and shown on the screen, the users may switch to another SIM by choosing from the menu.
Dual SIM Stand-by (DSS) – allows two SIM cards to be on standby waiting for a call. When a call is established on one SIM card, the other is no longer active. Callers to the other SIM will hear a message that the phone is switched off or they'll be redirected to voicemail.
Dual SIM Active (DSA) – allows the device to be connected to both networks at the same time. The device can switch between two calls without dropping either, so while you are on a call you can still receive calls on the other number. These devices need to have two transceivers. Nowadays these phones are not manufactured by the big brand names, because it's said to be hard not to exceed acceptable SAR (Specific absorption rate) levels in a single device.
Dual SIM Dual Call/Dual talk – Both SIMs are able to receive calls, once active call on one SIM is established, a call can still be received on the other SIM. If user likes he can switch between two calls without disconnecting any of them. This is mostly used in China. These phones have 2 RFs, 2 SIMs and 2 Modem Stacks. Also known as DSDA (Dual SIM Dual Active), Dual SIM Active or Duos. (LG GX500)
When one SIM has PS Data active call, the other SIM can still get voice (CS) calls
Biljana kako si zadovolna od kamerata i andrid aplikaciite ,dali imas najdeno negden i maska za telefonot?
Уште 8 илјади и Сони, уште 10 илјади и ХТЦ и така во недоглед!
Уште 6 илади и LG ке си земате, а и тоа со дуал сим! ;]
Уште 30.000 илјади Galaxy S4 ќе си земите а за само уште 470.000 денари ќе си земите Vertu. Сваќаш колку ти е глуп коментаров?
Зошто на страната на АМЦ телефонов е со 5 мп камера?Да не имате грешка напишано 8 мп
Ако не ја видев пластичната мушама на масата ќе ти речев дека си ги украл сликите од негде :D
Odlicno! Sekoja cest