Steam конечно го има контролерот кој го посакуваа за своите Steam Machines. Новиот контролер повеќе наликува на класичните контролери и наместо на тачпад овојпат доаѓа и со класични копчиња. Новитет е и стикот кој за првпат се појавува на контролерот, надвор од некој од првичните предлози.
Тачпадот за десниот и левиот палец остануваат, а споменатиот стик и копчиња се наоѓаат под нив. Сликата на контролерот е достапна на сите корисници на Steam кои ја имаат последната бета верзија на клиентот. Изгледот на контролерот прв го забележа корисник на Facepunch форумот.
Се разбира ова е делеку од официјална потврда па дури и доколку е најверојатно финална верзија на контролерот ќе претрпи нови промени. Засега останува и непознато дали станува збор за прототип или единствено за идејно решение. Сепак со оглед на тоа дека претходната вест е дека конзолите се поместени за 2015 година, оваа новост ќе биде добредојдена за сите кои со нетрпение ги очекуваат Steam Machines.
Valve has changed their Steam controller once again, here's an image showing the latest revision pic.twitter.com/kFVhMQ0XrC
— Steam Database (@SteamDB) July 23, 2014
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
