The Human Body (Човечкото тело) е новиот „moonshot“ проект, на кој ќе работи истражувачкиот оддел Google X Labs,
Проектот започнува со прибирање на молекуларни и генетички податоци од 175 здрави луѓе. Понатаму план е да бидат анализирани уште илјадници, со цел да се креира јасна слика за сите податици со кои се одликува здравиот човек.
Во текот на тестовите ќе се собираат телесни течности, како крв и плунка, по што ќе бидат анализирани во Google X Labs, но и од научниците во Универзитетот Дјук и Универзитетот Стенфорд кој уште подетелно ќе ги испитаат.
Овие податоци од здравите луѓе ќе бидат користени за споредба со сите понатамошни отклонувања и недостатоци. Секое отклонување од „здравиот“ баланс ќе биде аларм кој ќе биде показател дека можеби треба медицински да се интервенира. Можноста да се добијат податоците за хемиски дисбаланс ќе овозможи болестите да се превенираат или лекуваат многу порано, а со тоа и дел од нив да бидат спречени.
„Доколку успееме да детектираме дел од овие промени порано, во првиот момент кога ќе започне да се поместува од здравата хемија, ова може да промени како болестите се пронаоѓаат, лекуваат или превенираат“, објави Google.
Овој правец на истражување воопшто не е изненадувачки за Google, ако се земе во предвид дека компанијата уште во 2008 го започна сега веќе откажаниот проект Google Health, во 2010 објави алатка наречена “Google Body Browser” а и познат факт е дека Google инвестираше во стартапот за истражување на ДНК, 23andme, кој беше основан од бившата жена на Сергеј Брин, ко-основачот на Google.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Внесете го текстот тука!