Помина долго време откако десктоп ентузијастите можеа да бидат возбудени за процесорите на AMD. Се чини дека чекањето заврши, а првиот бенчмарк тест покажува дека AMD Zen е многу помоќен од претходникот Piledriver.
Првиот и засега единствен тест, доаѓа од видеоиграта Ashes of Singularity и покажува дека процесорот е 1.38 пати побрз од претходникот FX-8350.
Иако и со новиот процесор AMD како бренд останува зад Intel, по подолго време, процесор на AMD има подобри перформанси од Intel. Тестот покажува дека Zen е побрз од i5-4670K. Дополнително кога ќе излезе во продажба Zen ќе биде најбрзиот процесот кој излегол од AMD во последните 5 години, според Extremetech.
Тестовите се направени со RX 480 графички картички, а она што е забележително е пониската работна фреквенција на Zen ES. Дури и при фреквенција од 2.8 GHz Зен е побрз од Intel Core i5 4670K, кој е со работна фреквенција од 3.4 GHz. Процесорот е 38 отсто побрз од AMD-FX-8350 и 10 отсто побрз од i5 4670К, вели Wccftech.
Image courtesy of WCCFTech
За жал бенчмарк тестовите оставаат повеќе од доволно простор за сомничавост. За почеток станува збор за тест на видео игра, кои често не се доволен „предизвик“ за процесорите. Дополнително станува збор за прототип на процесор, но и за еден, единствен тест.
AMD FX Zen 8-core е најавен за октомври, па без сомневање наскоро може да очекуваме повеќе информации и потврда на резултатите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
