Project AirGig е технологија која ветува дека ќе овозможи супербрз интернет насекаде. Идејата доаѓа од еден од најголемите оператори во САД, AT&T. Најверојатно најважно, проектот е евтин и ќе ја користи сегашната електрична инфраструктура.
Идејата за користење на електрична инсталација не е нова, но планот на AT&T е поинаков. Наместо сообраќајот да биде низ каблите, тој ќе биде по далноводите и ќе патува бежично во околина на каблите. Ова ќе овозможи креирање на меш-мрежи кои ќе користат веќе постоечка инфраструктура. Поради ова новата технологија ќе биде поедноставна за распоредување од оптички кабли.
„Project AirGig има огромен потенцијал да го трансформира интернет пристапот насекаде – многу подалеку од реоните во кој сега оперираме и не само во САД. Резултатите кои ги гледаме на надворешните лабораториски тестови се охрабрувачки, особено ако се потсетиме дека се подготуваме за 5G-свет. Поради ова се обидуваме да пронајдеме вистинска глобална локација за да ја тестираме технологијата следната година.“, вели Џон Донован, претседател на групата за развој во AT&T.
Целта технологија е овозможена од антените кои се „р’бет“ на целиот проект. AT&T веќе има над 100 патенти за Project AirGig. Антените можат да ги претвораат радиобрановите во 4G LTE сигнал или во 5G во иднина. Овој сигнал ќе оди во домовите и насекаде по должина на далноводите и инсталацијата.
Технологијата засега е тестиранa во лабораториски услови на отворено, но следната година започнуваат и тестовите во неконтролирана средина.
https://youtu.be/ZF09OWzv_pw
