Steam корисниците би требало да бидат исклучително внимателни при прелистување на нивниот профил, објаснуваат од Steam странатa на reddit, кое исто така беше потврдено и од Steamdb. Според објаснувањата, посебно треба да се внимава при отворање на страниците со профили и целосно да се игнорираат сите сомнителни линкови.
Преку користење на ново-откриениот баг преку Cross-site Scripting (XSS) кодот, оние кои немаат попаметна работа сега знаат како да внесат нивен код и да го искористат вашиот профил за да извршуваат акции во ваше име.
Во случај да се сомневате и да мислите дека некој го злоупотребува вашиот профил потребно е веднаш да ја смените вашата лозинка, да овозможите автентикација преку мобилната апликација на Steam, со што значително ќе го зголемите нивото на безбедност, но и да го скенирате и исчистите системот од несакани штеточини.
Се претпоставува дека Steam работи на пополнување на безбедносната дупка и дека опасноста ќе биде елиминирана наскоро.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
