Предлог бесплатни Android апликации за студенти

Доколку пребарувате програми за запишување белешки на вашиот телефон, сигурно ќе налетате на огромен број такви во Google Play маркетот. Но, ги има неколку што се издвојуваат од толпата и може да им бидат од голема корист на студентите.

Прв на листата без сомнение е Evernote. Бесплатна апликација со која лесно може да си го организирате времето, запишете вашите идеи и да фаќате секакви прибелешки. Исто така, апликацијата ви нуди и фотографирање, креирање „to-do“ листи, аудио снимање и слично.

Покрај тоа, одлична можност што ја нуди Evernote е и синхронизирањето помеѓу повеќе уреди, па така на секаде и во секое време ќе можете да имате преглед врз вашиот материјал.

[youtube]Ag_IGEgAa9M[/youtube]

Wunderlist Task Manager е исто така бесплатна апликација и одличен менаџер на задачи. Со помош на Wunderlist можете да креирате и организирате листи во категории, споделувате со вашите пријатели, и како и кај Evernote, можете да синхронизирате со повеќе уреди.

[youtube]XsRl-pkI7eM[/youtube]

Google Drive се разликува од претходните две, но ниту во никој случај инсталирањето на Google Drive на вашиот паметен телефон нема да е залудно. Покрај тоа што ви нуди неколку гига слободен простор во облакот, можете да го користите да ги складирате вашите презентации и документи од факултет.

Исто така, доколку работите со некој колега на некој проект, можете заедно да го подготвувате во реално време.

[youtube]wKJ9KzGQq0w[/youtube]

Напишано од

Борис Кузманов

Борис Кузманов е поранешен автор на IT.com.mk, студент на ФИНКИ, придонесувач кон развојот на платформата за блогирање WordPress, автор на <a href="http://mk.wordpress.org/">mk.wordpress.org</a>, GNU/Linux и Android корисник, слободен софтвер ентузијаст, гик и нинџа.

Сите написи од овој автор