Во Хрватска има вкупно собрано 1,3 милиони евра од различни краудфандинг платформи, a во Словенија има околу десет пати повеќе, во Србија околу десет пати помалку, вели Хрвоје Хафнер од хрватската платформа Doniralica. За споредба, во Македонија краудфандингот е нов концепт – само од пред месец дена видовме две успешни кампањи за Small Star Empires и Cavern Tavern, кои заедно на Kickstarter собраа околу 40.000 долари. Од претходно има околу 3.500 евра собрано преку домашната платформа LetsFundIt.mk.
Хрвоје беше гостин на првиот мини-настан на AllWeb MK на кој зборуваше како краудфандингот може да биде алтернативен концепт на финансирање на проекти и стартапи. Ова беше прв од серијалот мали настани кои ги најави конференцијата за дигитален маркетинг. Во своето четириесет минутно предавање, Хрвоје ги објасни основите на краудфандингот и сподели неколку интересни совети како да се биде успешен.
„Со краудфандинг не може да финансирате компанија. Финансирајте проект. Клучно е дека треба да разберете дека се работи за микро-донации. Ќе имате многу луѓе кои ќе донираат по малку пари, и ќе треба да дадете некој процент на банките, на PayPal или некој друг сервис, како и 5% на Kickstarter и другите сервиси. Но, ќе треба да најдете начин да ги наградите сите луѓе кои донираат во вашата кампања“, вели Хрвоје.
Целото предавање може да го погледнете на YouTube.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
NewMediaMK 
Endava 
