Ретко кој може да остане рамнодушен на добар мим. Но, доколку не користите одредена апликација, создавањето мимиња знае да одземе време и енергија, a и бара да имате одредени познавања, доколку сакате да изготвите квалитетен мим. Memix е апликација која одзема исклучително малку од овие две работи, не бара никакви претходни познавања, а резултатите се изненадувачки добри!
Како апликација за Android или iOS, Memix е исклучително позитивно прифатена од заедницата, поставувајќи се високо на листата со 4.3 оценка на Google Play.
Откако ќе ја инсталирате и покренете апликацијата, сѐ што треба да направите е да го внесете саканиот текст во соодветните полиња и да одберете некоја од бројните понудени позадини за мимчето. Штом допрете опција што ви се допаѓа, ќе излезе поголема верзија со дополнителна можност за корекција на текстот, како и опции за сочувување или споделување на резултатот преку некоја друга апликација.
Дали знаевте дека…
Терминот meme e, всушност скратеница од mimeme, односно mīmēma – збор кој доаѓа од старогрчкиот јазик. Во превод, mīmēma значи имитирана работа, или да имитира.Зборот беше искован од британскиот биолог Ричард Доукинс во 1972 година и првично беше концепт за дискусија на еволутивни принципи за објаснување како се шират идеи и културолошки феномени.
Звучи многу поразлично од она како се употребува на интернет, нели? Терминот Internet Meme беше по првпат осмислен од Мајк Годвин во 1993 година кога објаснуваше како се шират мимиња преку најразлични групи и мејлови. Подоцна, социјалните мрежи значително дозволија да се шири овој начин на комуникација и да стане важен дел од интернет културата.
Употребата на апликацијата Memix – Make memes fast е бесплатна, но е со воден жиг. Можете да сте ослободени од оваа „ограничување“ месец дена само доколку тројца ваши пријатели го искористат вашиот линк и го инсталираат програмот и на нивните направи.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
