Повеќе од половина од програмерите кодираат помалку од 1 час дневно

Avatar img-thumbnail img-circle

во Вести

Интересна анализа на Software направена врз работата на девелоперите покажува дека половина од девелоперите не кодираат ниту 1 час дневно. Медијаната на време поминато во пишување код е 52 минути дневно, или вкупно 4 часа и 21 минута неделно, од понеделник до петок.

Истражувањето е направено на над 250 000 девелопери во период од 90 дена. Во неа се вклучени програмери кои пишувале код барем 7 од 30 дена. Како време поминато во кодирање е мерено единствено времето поминато во пишување на код во едитор или IDE. Измереното време е без никакви паузи. Покрај пишување код, девелоперите во едитор или IDE поминувале уште 41 минута дневно. Ова време го користеле за читање на код, преглед на pull request, и преглед на документација.

Времето поминато во пишување код значително се разликува во зависност од просперитетот на државите. Во државите кои се дел од напредните економии, на пример групата G7 пишувањето код е покусо. Во државите во развој се кодира подолго време. На пример во САД девелоперите кодираат 37 минути дневно; во Канада 39 минути; во Велика Британија 41-на минута; во Германија 42 минути; во Јапонија 43 минути; во Франција 46 минути и во Италија 54 минути.

За споредба во Тајланд програмерите дневно пишуваат код 1 час и 6 минути; во Турција 57 минути и во Бразил 56 минути.

Најпопуларен ден за пишување код е среда. Во среда медијаната на време поминато во програмирање е 3 минути подолга, и се кодира 55 минути. Најчесто програмерите кодираат од 2 до 5 часот попладне, дури 45 отсто од кодирањето е во овој приод од денот. Најголем дел од програмерите го започнуваат работниот ден подоцна. Како последица, од 9 до 11 изутрина, е забележано само 10% од регистрираното кодирање.

Бројот на девелопери кои ефективно пишуваат код над 2 часа дневно е многу мал. Едвај 10 отсто од анализираните учесници кодираат подолго од 2 часа, а 40 отсто кодираат подолго од 1 час.

Времето за пишување код не се цени доволно

Анализата на податоците покажува дека за жал времето за кодирање често е потценето во компаниите. Поради ова има чести прекини. Дополнително никој не го мери ова време, ниту компаниите, а ниту девелоперите. На анкета од 2019 над 75% од испитаниците одговориле дека кодираат над 2 часа дневно. Проценката на испитаниците во таа анкета по се изгледа е неточна.

Ова секако не значи дека програмерите работат под 2 часа во текот на денот. Планирањето, пишувањето и читањето документација, средби и колаборација се дел од секојдневните работни задачи. Авторите на истражувањето сметаат дека најголем дел од компаниите неефикасно ги распоредуваат развојните тимови

Нашето истражување укажува поалармантна хипотеза – повеќето компании неефикасно ги распоредуваат своите развојни тимови, заглавувајќи ги инженерите со активности кои го одвлекуваат нивното внимание, прекини, состаноци, но и системски неефикасности, како бавни прегледи, бавен „build“ и лоши алатки.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk