Брајсон Гарднер, Џосеп Фишер и Брајан Сендер се поранешни инженери на Apple кои ја напуштија компанијата за да креатори паметен ретровизор и аларм, кој Recode го нарече „Nest за автомобили“.
Иако технологијата денес овозможува ретровизорот и останатите куп делови да имаат современи сензори, и да го направат возењето да биде побезбедно и поедноставно, ретко која компанија посериозно работи на ова. Причината е што производителите на автомобили не се премногу храбри кога технолошките новитетите се во прашање. Ова го користи Tesla и помалите производители кои со своите надградби се интересни за корисниците, иако и не се премногу застапени на пазарот на автомобили.
Четворицата поранешни инженери на Apple ја креираа PearlAuto, компанија со 70 вработени од кои 50 се поранешни колеги од Apple. Нивниот прв производ RearVision е уред кој е составен од камера поставена на задниот дел на автомобилот и систем за известување кој ги следи движењата на автомобилот и објектите во близина. Сите податоци од уредот се испраќаат директно на телефонот на корисникот. Инсталирањето на системот е едноставно како поставување на дополнителна рамка на задните регистарски таблички.
„Не сакавме да започнеме со производ за кој ќе моравме да ги убедуваме корисниците дека им е потребен. Намерно започнавме со нешто што купувачите веќе ги бараат“, вели г. Гарднер.
Тие не се единствената компанија која работи на ретровизор-камера, а не се ниту најевтиниот уред на пазарот. Сепак системот на Pearl без сомневање е наједноставен за инсталирање. Цената на уредот е 500 долари, а од Pearl се надева дека ќе успее да убеди што е можно поголем број на возачи да го инсталираат. Изненадувачки дури едно од четири возила имаат паметни ретровизори!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
