Користите Firefox и многу сакате Netflix? Во тој случај, екстензијата која ја ископавме овојпат се чини дека е само за вас! Netflix Extender е мала, но корисна екстензија која допринесува до пофлексибилно искуство при гледање филмови и серии со прелистувачот на Mozilla.
На располагање имате опции за автоматско прескокнување на прегледите од тоа што се случило во претходната епизода, но и интро сегментите. Паралелно со ова, можете да го забрзате времето кое е потребно пред да започне новата епизода од серијата, како и да се паузира гледањето секојпат кога ќе отворите или ќе се префрлите на некое друго јазиче. Мали работи кои многу значат на филмоманите.
Опцијата која највеќе нѝ се допаѓа е поврзана со сервирање нови содржини според вашиот вкус. Имено, секој пат кога пребарувате нешто, во резултатите нема да се прикажуваат наслови за кои сте избрале thumbs down. Исто така, можете да давате ваши оценки на работите што ќе ги одгледате.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
А да проверите убаво пред да објавите? Екстензијата постои и за Chrome