Цртаниот филм на македонското студио Lynx Animation, Џон Вардар против Галаксијата го доби и првиот трејлер. Ексклузивна можност да го сподели видеото имаат Cartoon Brew.
„Замислено е филмот да биде најсмешната всeленска-опера на сите времиња. Фамилијарен филм кој ги следи авантурите на Џон Вардар. Џон Вардар е киднапиран од вонземјани, но некако завршува со најмоќното оружје во вселената. Оружје кое на Џон му овозможува сѐ што ќе замисли да постане реалност“.
Филмот е дело на Гоце Цветановски кој е режисер и сценарист; Михајло Димитриевски – Тхе Мичо, уметнички директор; и Бенџамин Хотон, директор на анимација. Џон Вардар против Галаксијата е најавен за Божиќните празници 2019, а во моментот студиото работи на обезбедување на финансии за завршување на проектот.
Lynx Animation работи и на куп други проекти, еден од нив е видеоигра која ќе ги следи настаните од филмот; но и куп Android и iOS игри.
