Се чини дека прашањето веќе не е дали ќе има поевтин iPhone, туку кога ќе се појави тој уред, и што ќе биде разликата од поголемите модели? Според аналитичарот Мин-Чи Кјуо, за кого TechCrunch вели дека е релевантен предвидувач кој погодил куп работи за стратегијата на Apple, поевтиниот iPhone можеби ќе има екран со иста големина од 4-инчи како што има и iPhone 5.
Но, разликата меѓу двата iPhonе-и, освен послабите хардверски перформанси, ќе биде во тоа што поевтиниот iPhone ќе биде направен од „супер-тенка пластика измешана со стаклено влакно“ наместо алуминиум. Оваа хибридна пластика е доста издржлива и нуди полесен и потенок дизајн за уреди, но во исто време може да се избои, што значи дека е отворена можноста да видиме iPhone-и во различни бои.
Притисикот за поевтин iPhone доаѓа од конкурентната Android платформа која стана најкористена платформа благодарение на евтините телефони, често и два пати поевтини од iPhone. Иако Apple вели дека нема да направат ништо што ќе го уништи позитивното искуство кои корисниците го имаат со iPhone, сепак компанијата има реални шанси да го освои тој „mid-range” пазар бидејќи евтините Android телефони не се баш најквалитетните уреди и често се заглавени во фрагментацијата на платформата, односно производителите претставуваат евтини уреди кои не можат да се надоградат во најновите верзии на Android. Според г. Кјуато, Apple ќе може да оствари 11 милијарди долари приходи на евтини уреди.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
od 750 na 650 evra poevtinuvanje…..
А самите тврдеа дека нема да има поефтин ајфон :глававѕид: