Корисниците на macOS оперативните системи имаат одлични можности за ефикасно организирање на нивните фајлови. Но, понекогаш барате нешто повеќе од стандардните опции кои се вградени во macOS Finder.
Overflow е повеќе од одлична алтернатива за вметнување на сите ваши фајлови и фолдери во Dock. Преку кратенка од тастатурата добивате пристап до главниот прозорец на Overflow. Тука, можете да влечете и пуштате какви било фајлови и фолдери, до кои подоцна инстантно доаѓате со само еден клик.
По потреба, можете да ги средувате вашите фајлови во најразлични колекции и истите да ги користите за најразлични проекти, а, благодарение на Quick Look лесно ќе можете да добиете брз увид за тоа што има во самите фајлови (preview). Тука е и најголемиот проблем со Overflow. Оние кои имаат потреба од вакво сортирање и создавање колекции од датотеки, едноставно мораат да ги засукаат ракавите и рачно да ги вметнуваат, групираат и именуваат. Но, во моментот кога ќе поминете низ сето тоа, значително повеќе ќе добивате на време и секојдневните активности ќе ги изведувате на значително попрактичен начин.
Overflow не е бесплатна апликација, но се испорачува со бесплатна пробна верзија. Во случај да ви се допадне она што ќе го видите, потребно е да платите 15 долари за понатамошна употреба.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
