Многумина веб сајтови знаат значително да го загрозат севкупното искуство на посетителите со бројните наметливи реклами. Рекламирањето е сосема во ред, но не и кога за да дојдете до саканата информација постојано сте бомбардирани со тврдоглави реклами и непотребни елементи од сајтот. Ова знае да биде двојно проблематично кога набрзина сакате да отпечатите одредена страна и не можете да ги отстраните непотребните елементи.
Simply Reader е екстензија за прелистувачот Chrome и ви дозволува да го „читате интернетот со задоволство“. Откако ќе се насели екстензијата во вашиот прелистувач, секојпат кога ќе посетите одреден сајт, можете да кликнете на соодветната икона или да притиснете комбинација од Ctrl + . (точка). Со ова, инстантно ќе се отстрани сè што не е текст и слики од онлајн текстовите, а вие ќе можете да ја впиете саканата информација без непотребно да бидете малтретирани со дополнителни работи.
Сервирањето на прочистените статии е со некој од четирите понудени фонтови и тоа во најразлични големини, како и во некоја од три теми (светла, темна или сепија). Simply Reader има поддршка за кирилица, а за да се вратите на целосната верзија, потребно е да ја повторите истата команда, односно Ctrl +. или Cmd +).
PC Gamer во целата негова слава1
Истиот текст преку Simply Reader
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
