Everything излезе на 21. април годинава и за краткото време успеа да ја импресионира гејмерската популација со овозможување епска симулација преку илјадници игриви ентитети, од бактерија преку зрно песок, животно па сè до планета, односно галаксија. Можете да трчате, лебдите или летате низ универзум и да стапувате во едноставни, но визуелно исполнителни интеракции со останатиот свет. Таквото нешто, во комбинација со револуционерните размислувања на еден од најголемите Британски филозофи и проповедачи за егзистенцијалното размислување, Алан Вотс, резултира со чисто, стимулативно и релаксирачко искуство, ретко видено во игрива дигитална форма.
Трејлерот кој го освои жирито на VIS (Vienna Shorts film festival)
Но, гејмерите се далеку од единствената група која е импресионирана од креативната визија на Дејвид Орајли. За време на четиринаесеттиот Виенски фестивал за краткометражни филмови, анимации и музички видеа, кој се одржа од 1 до 6 јуни, играта Everything, поточно единаесет минутниот трејлер за неа, по прв во историјата на видео игрите или слични интерактивни проекти, ја освои комисијата и си отиде дома како победник во одделот за анимација. Ова, како резултат, автоматски ја постави Everything на долгата листа за потенцијален натпреварувач во битката за една од најценетите академски награди – Оскар.
Cool: Everything just qualified for an Academy Award, making it the first time this has happened to a game/interactive project pic.twitter.com/5SQVD9s960
— David OReilly (@davidoreilly) June 7, 2017
Трејлерот за Everything ќе проба им се спротивстави на останатите квалифицирани ученици во категоријата анимиран краткометражен филм. Во меѓувреме, играта ужива 88% позитивни рецензии на Steam и чини 15 евра.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
