Паметниот часовник на Apple можеби има проблем. Повеќе високо профилни апликации прекинуваат со поддршка за часовникот. Најпрво својата поддршка ја прекинаа Twitter, Amazon и Google Maps, а сега и сервисот за колаборација Slack ја повлече апликацијата.
Причината за повлекувањето се чини е недостатокот на функционалност на апликациите. Twitter вели дека најдобриот и најкорисниот дел од апликацијата се нотификациите, но откако Apple ги интегрира во оперативниот систем, се чини дека нема потреба од специјална апликација.
Истото важи и за Slack. Сепак корисникот нема да може види коментари во кој е спомнат претходно. Еден од главните проблеми е немањето потреба од вакви сервисни апликаци, пренесе Engadget.
Со исклучок на ова, Apple има и повеќе од доволно причини за радост. Се чини дека се пред историски највисока заработка во тримесечје. Recode проценува дека компаниајта би можела да заработи и 90 милијарди долари, што ќе ги надмине и најоптимистичките проекции.
Сепак, некако се чини дека во светот на инвеститорите ништо не е потполно добро. Така експертите стравуваат дека волку голема заработка „собрала“ премногу пари од џебовите на корисниците, па следното тримесечје ќе биде полошо.
