Најголемата платформа за стриминг на видеоигри Twitch најави нов формат во рекламирањето. Според најавата новите реклами ќе бидат потешки да се блокираат.
Ова е потешко да се направи отколку што звучи. Twitch сака да ги „скрие“ и да направи да изгледаат како и останатата содржина. Истото се обидува да го направи и Facebook, засега со ограничен успех. Ова значи и дека рекламите отсега мора да одат преку Twitch. Придобивка е помалку реклами, помала интрузивност на рекламите за гледачите.
За стримерите придобивката е и поважна. Рекламите помагаат со финансирањето на креаторите на стримот. За сите кои не се љубители на рекламите, Twitch нуди можност за претплата, како за Twitch Prime, така и за претплата на посебни канали.
„Свесни сме дека голем број од гледачите користат софтвер за да не ги гледаат рекламите. Новата технологија ќе ја намали ефикасноста на ваквиот софтвер. Но, како компанија ние сме неопределени кон користењето на овој софтвер. Користете го ако сакате или не, зависи од вас.“
Сепак без сомневање Twitch размислил и околу ова. Речиси е неверојатно дека компанијата ги прави промените без воопшто да ги има предвид блокерите на реклами.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
