Новиот европски предлог-закон за авторски права, кој е изработен од претставникот на германската Партија на пиратите, Џулија Реда, е завршен и е достапен за разгледување.
Тоа што е интересно за законот, составен од пиратите, е што се препорачува унифицирање на отстапките за авторски права, односно она што е дозволено во една држава да биде дозволено во сите. Ова ќе овозможи еднакви права за граѓаните во Европа, но и доколку нешто не е прекршок во една земја-членка, ќе биде избегната граѓаните да прават прекршок штом ја поминат границата и влезат во друга земја каде ова е забрането, објаснува Boingboing.
Предлогот предвидува и скусување на времето кое трае патентот на максимални 50 години од смртта на авторот, со што би се избегнале вечните продолжувања на авторските права. Конечно се предвидува и изедначување на правата на традиционалните и дигиталните медиуми. Барање на комисијата е цитатите да бидат проширени и на аудио-видео содржини. Се предвидува и дека фотографиите од јавни места, анализи на текстови или развој на технологија не треба да бидат опфатени со авторски права.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
