Microsoft го најави римастерот на ексклузивниот Xbox One наслов Phantom Dust уште во 2014 година, но со желба да поминат поевтино, а да задоволат поширока гејмерска популација, таквото нешто беше откажано сè до неделава.
Од 16.мај, Phantom Dust римастерот се испорачува и како Windows 10 игра и, за неверојатната цена од нула денари, може да биде ваша преку Windows продавницата. Ваквиот римејк се одликува со поддршка за 16:9 резолуција, како и подобар фрејмрејт при играњето, а бидејќи е Play Anywhere наслов, ќе можете да ги користите истите сејвови за играње на играта и преку Xbox One и преку PC.
Одличната вест беше споделена од претставникот од Microsoft, Ерон Гринберг преку неговиот Twitter акаунт.
Excited to announce a fan favorite Phantom Dust will re-release exclusively tomorrow for free on @Xbox One & @Windows 10! pic.twitter.com/q8lmn4yeIh
— Aaron Greenberg 🦂 (@aarongreenberg) May 15, 2017
Дополнително, Ерон се изјасни дека таквата промоција не е од временско-чуствителен карактер и дека секој ќе може бесплатно да ужива во римастерот сега и засекогаш. Што се однесува до мрежното играње, Ерон појасни дека играчите ќе можат да купуваат мултиплеер карти, но оние кои не го прават тоа на ниеден начин нема да бидат пенализирани.
