Популарниот онлајн сервис за едукација Coursera доби огромно признание од американскиот Совет за Образование кој предложи пет онлајн курсеви да се сметаат на универзитетите кон ACE кредитите. Отсега посетувачите на акредираните курсеви ќе можат да ги приложат и овие курсеви за ACE CREDIT, се разбира доколку универзитетите ја прифатат препораката на советот. Повеќе од 2000 колеџи и универзитети во САД ги прифаќаат одлуките на советот, пишува The Next Web.
Првите курсеви кои ја добија препораката се:
- Pre-Calculus од University of California, Irvine.
- Introduction to Genetics and Evolution од Duke University.
- Bioelectricity: A Quantitative Approach од Duke University.
- Calculus: Single Variable од University of Pennsylvania.
- Algebra од University of California, Irvine.
Доколку студентите се решат да ги приложат курсевите во академската кариера ќе мора да се пријават за Signature Track, но и да го полагаат курсот откако ќе заврши. За ова Coursera соработува со ProctorU, па студентите од целиот свет ќе може да полагаат преку веб камера. Цената на „Signature Track“ e 30-99 долари а на испитите од 60 до 90 долари.
Основачите на Coursera изјавија дека се пресреќни со одлуката на советот и со можноста да им понудат на студентите повеќе шанси за академски успех. Иако евалуацијата на курсевите е ригорозна, Coursera е подготвена и се надева дека во иднина ќе додадат уште поголем број на акредитирани курсеви. Признанието доаѓа речиси истовремено со наградата од TechCrunch кој ја прогласија Coursera за најдобар стартап во 2012.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Brainster 
