Новата верзија на кошаркарската симулација NBA 2K14 ќе ги вклучува тимовите од Евролига. За македонските љубители на кошарката ова значи дека за прв пат без едитирање на играта, ќе може да играат со дел од македонските кошаркарски ѕвезди.
Европските клубови кои се додадени се Alba Berlin, FC Barcelona, Real Madrid, CSKA Moscow, EA7 Emporio Armani Milano, Montepaschi Siena, Fenerbahçe Ülker Istanbul, Anadolu Efes Istanbul, Olympiacos Piraeus, Panathinaikos Athens, Maccabi Electra Tel Aviv, Zalgiris Kaunas, Unicaja Málaga и Laboral Kutxa Vitoria. Со оглед на тоа дека досега ниедна од македонските ѕвезди не играше во најсилната кошаркарска лига, ова ќе значи дека македонските фанови следната година за прв пат ќе можат да играат со македонски кошаркари како Перо Антиќ или Бо Мекелеб.
„Воодушевени сме што можеме да им посакаме добредојде на клубовите во Евролигата во 2К14… Европската кошарка има навистина стравствени навивачи, а ние сме возбудени да им дадеме можност на љубителите на кошарката да играат со најдобрите европски клубови во NBA 2K14.“, вели Џејсон Аргент, заменик претседателот за спортски операции на 2K Sports.
Играта е најавена за 1 октомври во САД, односно 4 октомври во Европа.
[youtube]_osh4gRHXCI[/youtube]
