Одлични вести за сите љубители на видеоигрите. Microsoft и официјално ја проширува листата на држави во кои ќе биде достапен сервисот. Македонија е на листата држави од Европа, Африка и Азија во кои љубителите на видеоигри ќе имаат пристап до стотици игри.
„Возбудени сме што можеме да објавиме дека за прв пат досега носиме преглед на PC Game Pass во 40 нови земји.“
Од некоја причина Microsoft го усложнил целиот процес за тестирање, иако првата претплата е 0,1 долар. Ако сакате да се претплатите прочитајте како на крај на текстот.
Заедно со Македонија, сервисот пристигнува и во Албанија, Хрватска, Бугарија, Босна и Херцеговина, Црна Гора и Србија. Со оваа промена PC Game Pass ќе биде достапен во 86 држави.
Што е PC Game Pass?
PC Game Pass е претплатнички сервис на Microsoft кој ви дозволува, на одредено време, да играте видеоигри од тие што се на понуда. Корисникот може да ги игра овие игри без никаквo ограничување во периодот додека му трае претплатата. Штом претплатата истече, преземените игри не можете да се играат до обновување на претплатата.PC Game Pass сервисот на Microsoft доаѓа со исклучително поволен тест период кој чини само 1 долар за 1 месец. По ова цената на претплатата е 10 долари за PC Game Pass и Xbox Game Pass, и 15 долари за Ultimate Game Pass.
Што се однесува до игрите кои може да ги играте, на листата има постари, но и нови игри. Mоже да пронајдете навистина многу, а некои од насловите се достапни уште на денот на излегувањето.
Еве ја листата на држави кои се додадени на PC Game Pass:
- Албанија
- Алжир
- Бахреин
- Боливија
- Босна и Херцеговина
- Бугарија
- Костарика
- Хрватска
- Кипар
- Еквадор
- Египет
- Ел Салвадор
- Естонија
- Грузија
- Гватемала
- Хондурас
- Исланд
- Кувајт
- Латвија
- Либија
- Лихтенштајн
- Литванија
- Луксембург
- Малта
- Молдавија
- Црна Гора
- Македонија
- Мароко
- Никарагва
- Оман
- Панама
- Парагвај
- Перу
- Катар
- Романија
- Србија
- Словенија
- Тунис
- Украина
- Уругвај
Да бидам искрен, не успеав едноставно само да се претплатам на PC Game Pass. Заглавив на чекорот во кој треба да се одбере регион, и ниту на ниту еден начин не успеав да селектирам регион различен од САД. Не работеше ниту промената на регион за microsoft-профил, ниту промена на billing адреса, ниту креирање на сосем нов профил.
Причината поради која не се снајдов на почеток е грешното место на кое сакав да се претплатам. Во моментов не успеав да најдам начин како да се претплатам на сајтот. Се чини дека единствен начин (барем засега) е да ја преземeтe Xbox Insider Hub апликацијата. Пред или по ова треба да го промените регионот во Македонија, и да се приклучите на Xbox Insider програмата. Тука ќе треба да почекате да добиете потврда дека може да се приклучите на Xbox Insider PC Game Pass програмата. Оттука веќе може да ги следите сите чекори.
За најдобрите игри кои може да изиграте веднаш веројатно ќе може да прочитате наскоро.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
