Наместо да ги затвори безбедносните пропусти во своите уреди, Samsung ги предупреди своите корисници да не разговараат за лични податоци пред нивниот паметен телевизор. Станува збор за сите корисници на Samsung Smart TV кои користат гласовна активација. Иако и самиот Samsung собира купишта податоци за корисниците, за, како што велат, да ја подобрат својата услуга, сепак предупредуваат дека телевизорите не се најбезбедни поради апликации од трети девелопери.
Кога станува збор за трети девелопери Samsung најверојатно мисли на компанијата која го креира препознавањето на говор, но нема детали дали и други апликации можат да го злоупотребат пропустот. Компанијата која го креира овој софтвер е Nuance, објави BBC, чиј сервер пребарува по содржината на гласовните команди испратени до телевизорот. Samsung вели дека сервисот не ги задржува или препродава овие податоци, па останува нејасно зошто е предупредувањето. Не е исклучено дека стравуваат од неовластено прислушување на податоците.
„Паметни уреди поврзани на интернет можат да бидат користени за собирање на куп лични податоци. Можат да биде лоцирани точки на интерест, идентификувани, надгледувани и управувани од далечина преку: идентификација на радио-фреквенција, сензорски мрежи, минијатурни-вгнездени сервери“, вели Генерал Дејвид Патреус поранешен директор на CIA, за Salon.
Samsung во своето објаснување додаде дека сака да овозможи целосна тренспарентност, па корисниците самите да си направат информиран избор, благодарение на сите информации кои им се достапни.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
