Најголемата друштвена мрежа би можела да претстави паметни очила. Станува збор за очила кои не се разликуваат од очилатa за читање или очилата за сонце, покажува патент кој го сподели ReadWrite.
Очилата за проширена или виртуелна реалност кои се достапни во моментов не може да се помешаат со обични очила. Основачот на Facebook, Марк Закерберг, не крие дека компанијата работи на лесни очила за проширена реалност. Очилата во иднина ќе ги заменат паметните телефони, смета г. Закерберг. Со оглед на ова размислување, не е изненадување што во 2014 година Facebook потроши 2 милијарди долари на Oculus. Ова според него ќе биде финална фаза од развојот на Oculus Rift. За жал, реализацијата на овој проект е прилично далеку.
Проширената реалност е следниот голем бум на технологијата. Речиси сите компании работат на проширена реалност. Microsoft го има HoloLens, Google ги има Glass очилата, Facebook го има Oculus. Листата нe завршува тука, најветувачките уреди доаѓаат од Sony и од HTC / Steam. Sony PlayStation VR Headset е и најпродаван уред за виртуелна реалност и над половина од очилата за виртуелна реалност доаѓаат за PlayStation.
