Добрите идеи не познаваат граници. Ова е мотивацијата за соработка помеѓу најнапредната дигитална држава во Европа, Естонија и основачот на Alibaba, Џек Ма.
Посредник за соработката е Организацијата на Oбединетите нации. Платформата наречена „E-trade for all“ ќе им овозможи на стартапите од целиот свет да пронајдат нови можности. Како советник на програмата е и основачот на Alibaba, Џек Ма, јави Venturebeat.
Идејата зад програмата е дека малите и средни локални компании, не треба да страдаат доколку властите имаат проблем да се прилагодат на модерниот свет. Најверојатно и новата платформа ќе биде по примерот на е-жителството и ќе им овозможи на сите да бидат дел од простор кој ќе биде поедноставен за работа.
Организацијата на Обединетите нации ќе им помогне на сите да се пријават за е-жителство во Естонија. Со тоа стартапите ќе можат да ги користат придобивките од естонската програма.
Џек Ма предвидува дека за 30 години, дури 90% од бизнисите ќе бидат онлајн. Е-жителството ќе им овозможи на сите, без разлика од каде доаѓаат, да можат да го искористат овој раст.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
