Parkitect: Deluxe Edition излезе и за конзолите

До пред недела дена, бизнис симулацијата на Texel Raptor можеше да се игра само на Steam. Се работи за релативно стара игра која во последниве шест години има собрано 94% позитивни рецензии. По се изгледа, има посебна група од гејмери кои се заинтересирани за градење и управување со тематски паркови. Мислејќи дека таква ќе биде ситуацијата и со хардкор конзолашите, играта од неодамна излезе и за конзолите на Sony и Microsoft. Но, дали е едноставно градењето тематски паркови со контролер, како што е едноставно со тастатура и глувче?

Parkitect: Deluxe Edition има оценка од 3.1 на PlayStation Store

Бог во тематски парк

Како што напоменавме, Parkitect: Deluxe Edition е игра чии гејмплеј механики се делат на две категории: градење и управување. Првата категорија подразбира градење, проширување и надградување на бројните аспекти од тематскиот парк за да можете да си ја остварите замислата за идеалната забавна дестинација за вашите посетители. Втората категорија е управување со паркот, водење ред за финансиите, задоволството на гостите, пренасочување ресурси и водење грижа денот да помине во најдобар ред.

Независно од фазата која ја исполнувате, вие ја имате максималната контрола и, откако интимно ќе се запознаете со контролите и начинот на кој функционираат работите, ќе можете да произлезете со тематски парк од вашите соништа. Тоа, меѓутоа, не е лесно. Двојно повеќе бидејќи користите контролер. Иако тимот се има потрудено да ги постави опциите на дофат на вашите прсти сепак се тоа премногу опции, а вие имате премалку прсти. Поради тоа, често е успореното скокање од едно до друго мени, ловење пиксели за да се селектира саканото нешто или пак за да се добие увид во одредена работа.

Од технички аспект, Parkitect: Deluxe Edition се игра значително поспоро на конзолите. Доколку сте во ред со ова, ќе ви се допадне фактот што едицијата за конзолите доаѓа со двата додатоци:

  • Parkitect – Taste of Adventure се одликува со 10 нови предизвикувачи левели, 2 нови теми, 8 нови возила и 4 нови продавници
  • Parkitect – Booms & Blooms е DLC кое воведува дополнителни возила, звучни ефекти, дрвја, знаменца и огномет

Повеќе детали за играта

  • Произведува: Texel Raptor
  • ИздаваBlitWorks
  • Жанр: бизнис симулација
  • Платформа: Microsoft Windows, конзоли
  • Излезе на: 3 јули 2022

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk