Epic Games, студиото зад популарната Fortnite, објасни дека од 26.април ќе прекинат со каква било поддшка на Paragon и играта ќе стане неигрива. Би лажеле кога би кажале дека ваквата одлука нè изненадува. Несреќната MOBA игра има се помалку играчи и пред само две недели, студиото призна дека работата на играта е отежната од две причини. Прво, тимот е растргнат помеѓу имлементирање исправки на моментната верзија и воведување новитети. Друго, многумина од девелоперите морале да бидат повлечени од Paragon за да се посветат на Fortnite, наслов кој, како што знаете, доживеа неверојатна слава откако се воведоа Battle Royale механиките.
Поради ова, Epic Games решија да го признаат поразот и потврдија дека ќе ги згаснат серверите при крајот на месецот април.
„По долго размислување и бројни дебати, сметаме дека нема јасен пат кој ќе ни дозволи да ја оформиме Paragon во игра која ќе задржи доволен број играчи. Потфрливме во изведбата и, иако дававме сè од себе, не успејавме да го исполниме ветувањето кое ви го дадовме за Paragon. Жал ни е.“, се чита од официјалниот допис од Epic Games.
Добри вести се тоа што на сите што направиле некаква финансиска посвета кон играта ќе им бидат вратени парите, до денар.
„За да ја исправиме неправдата, ќе им ги вратиме сите пари на гејмерите кои се посветија на Paragon. Враќањето на средствата ќе биде овозможено диретно од нас, а не од продавницата преку која сте го купиле производот.“
За детали околу враќањето пари, консултирајте се со упатствата оставени на официјалниот блог пост.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
M3DS Academy 
[…] ве известивме дека Paragon, несудената MOBA игра на Epic Games, згаснува, а парите на гејмерите се враќаат. По се изгледа, во […]
[…] дена по известувањето дека функционирањето на играта Paragon ќе прекине, гејмерите добиваат уште еден бран од непријатни […]