Папата Францис и досега ги поддржуваше заложбите за подобра животна средина, но сега со уште подобар пример. Новото возило на папата е електричниот Nissan LEAF, јави EcoWatch. Возилото е подарок од германскиот математичар Јохен Вермут. Причина поради која г. Вермут му го подари автомобилот на Папата е поради тоа што сака да го убеди Ватикан да ги поддржи обновливите извори на енергија.
„Човештвото мора да ја препознае потребата за промена на начинот на живот, производството и потрошувачата за да го намали глобалното затоплување или барем причините за него со кои луѓето придонесуваат“.
Интересно, Папата Франсис можеше да одбере помеѓу Nissan LEAF и Tesla Model S. Причината најверојатно е скромноста, а со оглед на разликата во цената на двете возила, очекувано е што изборот падна на Nissan LEAF. Г. Вермут лично го донесе возилото.
Папата Франсис сепак не е првиот Папа кој се вози во електрично возило. Неговиот претходник Папата Бенедикт доби електричен Renault, Kangoo Z.E.
