Повештите сопственици на iPhone ќе можат за само 150 долари самите да го автоматизираат својот дом. Проектот на Reddit корисникот Tommit, чие видео може да го погледнете подолу, покажува како може да се направи паметен дом само со мини-компјутерот Raspberry Pi и софтверот openHAB. Останатите пари се потрошени на паметни светилки кои се управуваат со openHUB и Orvibo Wiwo паметен приклучок.
Клучот на автоматизацијата се чини е Siri, гласовниот асистент на Apple, која ги испраќа командите до мини-компјутерот кој потоа вклучува или исклучува апарати. Гласовниот асистент е доволно „паметен“ да може да активира посложени команди, па на видеото може да видиме како со команда за забава се прилагодуваат светилките и се вклучува музика. Со оглед на тоа дека Siri се користи единствено за испраќање на командите до Raspberry Pi, со модификации проектот најверојатно може да се искористи со било кој телефон кој доаѓа со гласовен асистент.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
