Во борбата со тероризмот Пакистан е приморан да принаоѓа покреативни (и подраматични) решенија за заштита на сопствените граѓани. За да ја отстрани можноста терористите да ги користат телефоните, Пакистан донесе закон со кој се забранува користење на телефони за корисници со непознат идентитет. Идентитетот треба да се потврди со оставање на биометриски податоци односно отпечатоци на прстите. Доколку ова не го направат нивната SIM-картичка, а со тоа и услугата, ќе им бидат блокирании од 15 април.
Причина за ригорозните мерки е нападаот на училиштето во кој загинаа 150 деца, а учесниците се координирале и комуницирале со помош на телефони, кои биле пријавени на име на госпоѓа која со напаѓачите нема ништо зедничко, јавува Washington Post.
Пакистан има 103 милиони издадени SIM-картички, од стапуването на законот во сила пред 6 недели до сега, преку биометриско скенирање, регистрирани се 53 милиони SIM картички, кои им припаѓаат на 38 милиони корисници.
„Откако ќе заврши верификацијата на SIM картичките и блокирањето на неверификуваните картички, оваа алатка повеќе нема да им биде достапна на терористите“, вели претставник на Минстерството за внатрешни работи на Пакистан.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
