Француските законодавци му изрекоа казна од 50 милиони евра на Google за нарушување на новите правила за приватност, пренесе Washington Post.
Причината за казната е тоа што Google на своите корисници не им објаснува јасно кои лични податоци ги собира и зошто ги користи. Дополнително, Google не обезбедил дозвола од корисниците за да им прикажува персонализирани реклами, вели CNIL, француска агенција за заштита на податоци.
Google веќе излезе со соопштение по повод одлуката и изгледа дека не се сосем решени што ќе направат.
„Ја разгледуваме одлуката и ќе решиме кои ќе бидат нашите следни чекори. Луѓето очекуваат високи стандарди за транспарентност и контрола од нас. Посветени сме на исполнување на овие очекувања и барањата за согласност со GDPR“.
Според GDPR компаниите мора на своите корисници да им ги предочат сите податоци кои ги користат како и да им објаснат како овие податоци ќе бидат користени. Кога се во прашање личните податоци законот е строг и со него Европа се обидува да ги заштити своите граѓани од злоупотреба. Ако немаат целосна транспарентност компаниите, како што го искуси тоа и Google, ќе добијат високи казни.
Веста за казната ја поздравија невладините организации кои се залагаа за поголеми права на корисниците и поголема приватност. Дел од активистите сепак велат дека казната е преблага и дека Европа ќе мора да користи повисока казна за да ги „дисциплинира“ американските гиганти.
Google секако не е единствeната компанија која ги прекршува правилата донесени со GDPR, а каков ќе биде одговорот на Европа веројатно ќе видиме наскоро.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] Општата регулатива за заштита на податоците му беше изречена на Google во […]