Има одредени ситуации кога за некоја песна сакате да го одстраните вокалот, и да ја извлечете само музиката. Ваквото нешто знае да биде исклучително корисно доколку организирате караоке забава или пак спремате претстава во, да кажеме, училиште.
Vocal Remover е моќна онлајн алатка која користи напредни AI алгоритми за да ги отстрани вокалите или пак да ја изолира музиката.
По посетување на сајтот, потребно е да одберете и поставите одреденa песна преку копчето Browse my files. Потоа, преку лизгачот Music ја поттиснувате музиката, а преку лизгачот Voice ја намалувате гласноста на вокалите.
Преку истиот сајт можете и да манипулирате со брзината на песните, да сечете и лепите одредени аудио делови, или да снимате. Особено ни се допадна опцијата Karaoke каде можете да го снимате вашиот глас врз музика на одредена песна. Откако ќе завршите со снимањето, можете да си ја сочувате песната.
