Постојано инсталирање и отстранување апликации не се препорачува, особено доколку сакате стабилна и брза работа во вашата Windows околина. Но, кога веќе бришете, направете го темелно и ефикасно.
Wise Program Uninstaller брише Windows апликации на брз и темелен начин, преку едноставен кориснички интерфејс. Енџинот врши целосен и детален скен, искоренувајќи ги сите фајлови, фолдери и регистри поврзани со програмот.
Најновата трета верзија на Wise Program Uninstaller има два поголеми новитети. Од една страна, распоредот на елементите е целосно променет и, овојпат, многу потсетува на Settings прозорецот од Windows 10 и 11. Од друга страна, сега е можно да отстраните и екстензии за прелистувачите Chrome, Firefox, Edge, па дури и Internet Explorer. Ова е една од одамна посакуван новитет од заедницата и конечно од едно место можете да ги отстраните сите екстензии од кои повеќе немате потреба. За пофалба е и тоа што од еднаш можете да одбележите повеќе работи и со еден клик сите да ги отстраните.
Wise Program Uninstaller е одлична апликација и за отстранување апликации кои не сакаат да се отстранат на нормален начин. Инаку, целосно е бесплатна и не мора да ја инсталирате за да ја користите, туку само го преземате и покренувате преносливиот фајл.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Bulk Crap Uninstaller е сепак пофункционална за мене. Доброто е тоа што при бришење на registry, препорачува што е безбедно да се избрише.
Bulk Crap Uninstaller – Remove large amounts of unwanted applications (bcuninstaller.com)