BetaList е веб сајт кој го препорачуваме на сите љубители на најновата технологија. Сајтот се рекламира како платформа која ги прикажува утрешните стартапи, денеска. Имено, дали знаевте дека ултра популарните алатки како IFTТT или Pinterest првин се имаат појавено на овој сајт. Слични, нови и уникатни стартапи го здогледуваат нивното прво светло токму на BetaList. Секојдневно можете да пронајдете неколку нови бети и да целосно да се информирате околу нивната функционалност.
BetaList се одликува со уникатен интерфејс каде лесно откривате најразлични експерименти. За она што највеќе ќе ве импресионира можете да оставате коментари и споделувате мислење преку Twitter.
Нашата денешна посета, нѝ откри алатка за конвертирање вебсајтови во Android и iOS апликации (AppConvertly). Love Alert пак се покажа како интересна апликација која секојдневно праќа мотивациони пораки преку push нотификации и ги охрабрува луѓето да се позитивни. Од друга страна, Ticke нѝ остави впечаток на мал и евтин компјутер со оперативен систем кој е замислен да го учи корисникот компјутерско програмирање.
За жал, не е сè во отворен круг и за некои стартапи морате да добиете одобрување од самите девелопери.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
